ޣާޒީ ބަންޑާރައިންގެ ޖިހާދުގެ ވާހަކަ ސުމޭކުކުރުމަށް ބޭނުންވާ އިސްކިރީނުތައް ހަދިޔާކުރައްވައިފި.
ދިވެހިރާއްޖެ ޕޯޗުގީޒުންގެ އަޅުވެތިކަމުން ސަލާމަތްކޮށްދެއްވި އުތީމު މަހާރަދުންގެ ޤައުމީ ޖިހާދު ސްމޭކުގެ ޒަރިއާއިން ހުށަހަޅައިދިނުމަށް ބޭނުންވާ އިސްކިރީނުތައް ބަހާބެހޭ ވުޒާރާއަށް އެސްޓީއޯއިން ހަދިޔާކުރައްވައިފިއެވެ. މިއީ މިހާރު މާލެގެނެވިފައިވާ ކަޅުއޮއްފުންމި އަލުން މަރާމަތުކޮށް ޒަމާނީ އާ ހަރުގެއާއެކު ހުޅުވާލުމަށް ބޭނުންވާ މަސައްކަތުގެ ބައެކެވެ.
ކަޅުއޮއްފުންމީގެ ހަރުގެ ބިނާކުރެވި އަލުން ހުޅުވައިލެވޭ އިރު، އުތީމު މަހާރަދުންގެ ޖިހާދުގެ މުޅި ވާހަކަ ކުރެހުންތަކާއެކު ފެންނަމުންދާނެއެވެ. އެ ކަމަށް ޓަކައި ކަމާބެހޭ ތާރީޚީ ހޯދުންތައް ހޯދައި ވާހަކައިގެ މަންޒަރުތައް ކުރެހުމުގެ މަސައްކަތް ވެސް ކަމާބެހޭ ޓީމަކާ ހަވާލުކުރެވިގެން ކުރިޔަށް އެބަ ދެއެވެ.
[އުތީމު ޣާޒީ ބަންޑާރައިންގެ ކޮންމެ އަސަރަކީ ދިވެހިރާއްޖެ ދެމި އޮތްހައި ހިނދަކު ދިވެހީންގެ ހިތްތަކުގައި ބިންވަޅުނެގިފައި ހުންނާންވާނެ ފަޚްރުވެރި އަސަރެއް] މި ރަސްމިއްޔާތުގައި ވާހަކަފުޅު ދައްކަވަމުން ދިވެހިބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަޞީރު އިބްރާހީމް ވިދާޅުވިއެވެ.
ރާއްޖެއަށް މިހާރު ދިމާވެފައިވާ މާލީ ދަތިކަމުގެ ސަބަބުން މި މަޝްރޫޢަށް އެންމެ އެކަށޭނަ ދުވެލި ލިބުމުގައި ދަތިތަކެއް ހުރިކަން ވުޒާރާއިން ފާހަގަކުރައްވައެވެ. ނަމަވެސް މަސައްކަތް ކުރިޔަށް ގޮސް އަލުން ހުޅުވައިލެވޭނީ ކަޅުއޮއްފުންމި ހަރުގެއަކީ ނުވަތަ ކަޅުއޮއްފުންމިއަކީ ވެސް ވަކިން ބަލައިލެވޭ އާސާރެއްގެ ގޮތުގައި ހިމެނިގެންނެވެ. އަދި އެއާ އެކު ބޭރުގެ ފަރާތްތަކަށް ކަޅުއޮއްފުންމި ދައްކާލުމުގައި ދައުލަތަށް މާލީ މަންފާ ލިބޭނެ އިންތިޒާމު ހަމަޖެހިފައިވާނެއެވެ.
ޕޯޗުގީޒުން ރާއްޖެ އަޅުވެތި ކުރީ މީލާދުން 1558ގައެވެ. އުތީމު ޣާޒީ ބަންޑާރައިންގެ ޖިހާދުން ރާއްޖެ މިނިވަންވީ 1573ގައެވެ. ޕޯޗުގީޒުންގެ ބައެއް ބޮޑުބަޑިތައް މިހާރު ވެސް މާލޭ ދާރުލްއާސާރުގައި ބެހެއްޓިފައި އެބަ ހުއްޓެވެ.
21 ރަބީޢުލްއާޚިރް 1446
24 އޮކްޓޫބަރު 2024
