ޤައުމީ ޔުނިވަރސިޓީގެ ކުރީގެ ޗާންސެލަރ ވަޒީރުގެ އަރިހަށް އިޙްތިރާމުގެ ޒިޔާރަތެއް ކުރައްވައިފި
ދިވެހިރާއްޖޭގެ ޤައުމީ ޔުނިވަރސިޓީގެ ކުރީގެ ޗާންސެލަރ ޑރ. ޙަސަން ޙަމީދު،ދިވެހިބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަޞީރު އިބްރާހީމްގެ އަރިހަށްއިޙްތިރާމްގެ ޒިޔާރަތެއް ކުރައްވައިފިއެވެ. މި ބައްދަލުވުން އޮތީ މިއަދު، ދިވެހިބަހާއި ސަގާފަތާއި ތަރިކައާ ބެހޭ ވުޒާރާގައެވެ.
މި ބައްދަލުވުމުގައި ޑރ. ޙަސަން ޙަމީދު ދެއްކެވި ވާހަކަފުޅުގައި ދިވެހި ޤައުމިއްޔަތުދިރުވައި އާލާކުރުމުގައި ކުރެވެން ހުރި ޢިލްމީ މަސައްކަތްތަކާ ބެހޭ ގޮތުން އެމަނިކުފާނުގެތަޖުރިބާއާއި ޚިޔާލުފުޅު ވަޒިރާ ހިއްސާކުރެއްވިއެވެ. ވަޒީރުގެ ވާހަކަފުޅުގައި ޑރ. ޙަސަންގެ މި އިސްނެންގެވުމާމެދު ނުހަނު އުފާކުރައްވާކަމަށް ވިދާޅުވެ، އެމަނިކުފާނަށް މަރުޙަބާއާއިޝުކުރު ދަންނަވައި، ޤައުމިއްޔަތު އިޢާދަކުރުމުގެ ޤައުމީ ނިޒާމާ ބެހޭ ކުރު ތަޢާރުފެއްއަރުވައި ކަމާބެހޭ މަޝްވަރާތައް ކުރެއްވިއެވެ.
ޑޮކްޓަރ ޙަސަން ޙަމީދަކީ ދިވެހިބަސް ދިރުވައި އާލާކުރުމަށް ގިނަގުނަ ޢިލްމީމަސައްކަތްތަކެއް ކުރައްވައިފައިވާ، އަދި މިހާރު ވެސް ކުރައްވަމުން ގެންދަވާ ދިވެހިތަޢުލީމީ ތަރުބަވީ ބިނާރުގެ މުހިންމު އެއް ތަނބެވެ.
ޑރ. ޙަސަން ޙަމީދު އަދާކުރައްވާފައިވާ މަޤާމު ތަކުގެތެރޭގައި، ޤައުމީޔުނިވަރސިޓީގެ ވައިސް ޗާންސެލަރކަމުގެ މަޤާމާއި މޯލްޑިވްސް ކޮލެޖް އޮފް ހަޔަރއެޑިއުކޭޝަންގެ ރެކްޓަރގެ މަޤާމުގެ އިތުރުން ތަޢުލީމީ ދާއިރާގެ އެކިއެކި މަޤާމުތައްފުރުއްވާފައިވެއެވެ.
ދިވެހިބަހާއި ސަގާފަތާއި ތަރިކައާ ބެހޭ ވުޒާރާ
28 ރަޖަބު 1445
8 ފެބްރުއަރީ 2024
