ދިވެހި ޅެންވެރިކަމުގެ ނަފްސާނީ ފަރުވާއާ ބެހޭ ފަންނީ މަސައްކަތްތަކާ ގުޅޭގޮތުން ދާއިރާގެ ފަރާތްތަކާ މަޝްވަރާ ކުރައްވައިފި.
ދިވެހި ޅެމުން ނަފްސާނީ ފަރުވާދެވޭތޯ ބެލުމާ ގުޅޭގޮތުން ދިވެހިބަހާއި ސަގާފަތާއިތަރިކައާ ބެހޭ ވަޒީރު ދާއިރާގެ ފަންނީ ބޭފުޅުންނާ މަޝްވަރާކުރައްވައިފިއެވެ. މި ބައްދަލުުން އޮތީ ދިވެހިބަހާއި ސަގާފަތާއި ތަރިކައާ ބެހޭ ވުޒާރާ ގައެވެ. މި ބައްދަލުވުމުގައި ވަޒީރުގެ އިތުރުން ވުޒާރާގެ ބައެއް އިސްވެރިންވެސް ބައިވެރިވެވަޑައިގެންނެވިއެވެ. މި ބައްދަލުވުމުގައި ސޮސައިޓީ ފޯ ހެލްތް އެޑިއުކޭޝަން (ޝީ)، މެންޓަލް ހެލްތް ސެންޓަރ،ޗައިލްޑް ޑިވެލޮޕްމަންޓް ސެންޓަރ އަދި ދަމަަނަވެށީގެ ފަރާތުން ވަނީ ބައިވެރިވެފައެވެ.
ވަޒީރު އާދަމް ނަޞީރު އިބްރާހީމް މި ބައްދަލުވުމުގައި ދެއްކެވި ވާހަކަފުޅުގައިވިދާޅުވީ ޅެމުން ނަފްސާނީ ފަރުވާދިނުމަކީ ދުނިޔޭގައި ކުރަމުން އަންނަ ކަމެއް ކަމުގައެވެ.ދިވެހިރާއްޖެއަށް ވަރަށް އައު ކަމެއްކަމުގައި ވީނަމަވެސް، ދިވެހި ޅެން ބޭނުންކޮށްގެންނަފްސާނީ ފަރުވާދިނުމަކީ ކުރެވިދާނެ ކަމެއްކަމުގައި ވަޒީރުވަނީ ފާހަގަކުރައްވާފައެވެ. އެހެންކަމުން މިކަމާ ގުޅޭ ދިރާސާތައް ހެދުމުގެ މަސައްކަތް ދިވެހިރާއްޖޭގެ ޤައުމީ ޔުނިވަރސިޓީއާއި ގުޅިގެން ކުރިއަށް ގެންދަވާނެކަމުގައި ވަޒީރު ވިދާޅުވިއެވެ. އަދި އެކަމަށްޓަކައި އެފަރާތާއެކު މަޝްވަރާ ކުރެވެމުން ދާކަމަށްވެސް ވަޒީރު ވިދާޅުވިއެވެ. އަދި ދިވެހި ޅެމުން ނަަފްސާނީ ފަރުވާދެވޭނެ ގޮތްތަކާ ބެހޭގޮތުން މި ޚިދުމަތަށް ޚާއްޞަބޭފުޅުންގެ ޚިޔާލު ހޯދައި އެކަމުގެ ފަންނީ މަސައްކަތްތަކާ ބެހޭގޮތުން ފުޅާ ދާއިރާއެއްގައިމި ބައްދަލުވުމުގައި މަޝްވަރާކުރެވުނެވެ.
ދިވެހިބަހާއި ސަގާފަތާއި ތަރިކައާ ބެހޭ ވުޒާރާ
25 ރަޖަބު 1445
6 ފެބްރުއަރީ 2024
