`
ދިވެހިބަހާއި ސަގާފަތާއި ތަރިކައާ ބެހޭ ވުޒާރާ
މާލެ، ދިވެހިރާއްޖެ
ދިވެހިބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަޞީރު އިބްރާހީމްގެ އަރިހަށް މިޞްރުގެ ސަފީރު އިޙްތިރާމްގެ ޒިޔާރަތެއް ކުރައްވައިފި.
މިޞްރު ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު މާޖިދު މުޞްލިޙް މިއަދު ދިވެހިބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަޞީރު އިބްރާހީމްގެ އަރިހަށް އިޙްތިރާމުގެ ޒިޔާރަތެއް ކުރައްވައިފިއެވެ. މިބައްދަލުވުން އޮތީ މިއަދު ދިވެހިބަހާއި ސަގާފަތާއި ތަރިކައާ ބެހޭ ވުޒާރާގައެވެ.
ދިވެހިރާއްޖެއާއި މިޞްރާ ދެމެދުގައި ޒަމާނުއްސުރެ އޮތް ގާތްގުޅުން އިތުރަށް ބަދަހިކޮށް،ދެޤައުމުންވެސް އިސްކަންދޭ ކަންކަމުގައި އެކުގައި މަސައްކަތްކުރުމާ ބެހޭގޮތުންދެބޭފުޅުން ވެސް ވަނީ މިބައްދަލުވުމުގައި މަޝްވަރާކުރައްވައިފައެވެ. ވަޒީރު އާދަމް ނަޞީރު އިބްރާހީމް މިބައްދަލުވުމުގައި ވާހަކަފުޅުދައްކަވަމުން ވަނީ ދިވެހީންގެ ސަގާފަތާއިޤައުމީ ތަރިކަ ދިރުވައި އާލާކުރުމަކީ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެޚާއްސަ ތަޞައްވަރެއްކަން ފާހަގަކުރައްވައި މި ތަޞައްވަރަށް ފަހިކަން ލިބޭގޮތަށް މުހިންމުއެހީތެރިކަމެއް ދެއްވަން ހުށަހެޅުއްވީތީ އެކަމަށްޓަކައި މިޞްރުގެ ސަފީރަށް ޝުކުރުއަދާކުރައްވައިފައެވެ.
މި ބައްދަލުވުމުގައި އިތުރަށް މަޝްވަރާކުރެވުނު މައިގަނޑު ކަންތައްތަކުގެތެރޭގައި،2024ވަނަ އަހަރަކީ ދިވެހިރާއްޖެއާއި މިޞްރުގެ ޚާރިޖީ ގުޅުމަށް 55 އަހަރު ފުރޭއަހަރުކަމަށް ވާތީ، ދެފަރާތުން ގުޅިގެން މި ވުޒާރާގެ ދާއިރާއިން ތަފާތު ޙަރަކާތްތަކެއްރާވައި ކުރިއަށް ގެންދިއުން ހިމެނެއެވެ.
މީގެ އިތުރުން މިޞްރުގެ ސަފީރު ވަނީީ، ދިވެހިރާއްޖޭގެ ތަޢްލީމީ ނިޒާމަށް، ވަކިންޚާއްޞަކޮށް ރާއްޖޭގައި ޢަރަބި އިސްލާމީ ތަޢުލީމު ފުޅާކުރުމަށް މިޞްރުގެ އެހީތެރިކަންފުޅާދާއިރާއެއްގައި އަބަދުވެސް ލިބެމުން އަންނަކަން ފާހަގަކުރައްވައި އެކަމުގެ މައްޗަށް ވާހަކަފުޅުދައްކަވައިފައެވެ. ދިވެހިރާއްޖެއާއި މިޞްރުގެ ޚާރިޖީ ގުޅުމަށް 55 އަހަރު ފުރޭމުނާސަބަތާ ގުޅިގެން ހިންގާ ޙަރަކާތްތަކުގައި ރާއްޖޭގެ ދަރިވަރުންނަށް މިޞްރުގައިހުރިފުރުޞަތުތަކާ ގުޅޭ މަޢުލޫމާތު ފޯރުކޮށްދިނުމުގެ ޙަރަކާތްތަކެއް ހިންގުމާމެދު ވެސް މިބައްދަލުވުމުގައި މަޝްވަރާ ކުރެވިފައިވެއެވެ.
މީގެ އިތުރުން ދިވެހިރާއްޖޭގައި ހުރި ސަގާފީ ތަރިކަތައް ރައްކާތެރިކުރުމުގައި މިޞްރުގެއެހީތެރިކަން ލިބޭނެކަމާއި، ޚާއްޞަކޮށް ޔުނެސްކޯ ވޯލްޑް ހެރިޓޭޖް ލިސްޓުގައިދިވެހިރާއްޖޭގެ ހިރިގަލު މިސްކިތްތައް ހިމެނުމުގެ މަސައްކަތުގައި އެހީތެރިކަންފޯރުކޮށްދެއްވާނެ ކަމަށް މިޞްރުގެ ސަފީރު ވަނީ ވިދާޅުވެފައެވެ.
ދިވެހިބަހާއި ސަގާފަތާއި ތަރިކައާ ބެހޭ ވުޒާރާ
9 ޝަޢްބާން 1445
19 ފެބުރުވަރީ 2024
