ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވުޒާރާއިން ކުރިއަށް ގެންދާ “މަދަނީ މަޖްޢިއްޔާތަކުގެ މަހާސިންތާ” އަށް ފަންނީ އެހީތެރިކަން ފޯރުކޮށްދިނުމާ ބެހޭ ގޮތުން އެވުޒާރާ އެކު މަޝްވަރާކޮށްފިއެވެ. މި މަޝްވަރާ ބައްދަލުވުން އޮތީ ދިވެހިބަހާއި ސަގާފަތާއި ތަރިކައާ ބެހޭ ވުޒާރާގައެވެ. މި ވުޒާރާގެ ފަރާތުން މިބައްދަލުކުރެއްވުމުގައި ބައިވެރިވެވަޑައިގެންނެވި ބޭފުޅުންގެ ތެރޭގައި ދިވެހި ބަހާއިސަގާފަތާއި ތަރިކައާ ބެހޭ ވަޒީރު އާދަމް ނަޞީރު އިބްރާހީމްގެ އިތުރުން ވުޒާރާގެ ސްޓޭޓްމިނިސްޓަރުންނާއި ވަޒީރުގެ ނާއިބުން ހިމެނިވަޑައިގަންނަވައެވެ.
މި ބައްދަލުކުރެއްވުމުގައި ޒުވާނުންގެ ވުޒާރާގެ ފަރާތުން ބައިވެރިވެވަޑައިގެންނެވިއެވުޒާރާގެ ޖަމްޢިއްޔާތަކުގެ ރެޖިސްޓްރާ ޢަލީ ޝަކީލް ޙިއްސާ ކުރެއްވި ގޮތުގައި، މިމަހާސިންތާއަކީ މަދަނީ ޖަމްޢިއްޔާތައް ހިންގުމުގައި ހުރި ގޮންޖެހުންތައް ދެނެގަނެ،ހަރުދަނާ މަދަނީ މުޖުތަމައެއް ބިނާކޮށް ޖަމްޢިއްޔާތަކަށް ފަހި ވެށްޓެއް ޤާއިމްކުރުމަށްބޭނުންވާ ކަންކަން ދެނެގަތުމާއި، ޤައުމީ ތަރައްޤީއަށް ވާސިލުވުމަށް ވަކި ވަކިރަށްރަށާއި، އަތޮޅު ފެންވަރުގައި ހުރި އިޖުތިމާއީ ތަފާތު މައްސަލަތަކުން އަރައިގަތުމަށްކުރެވޭ މަސައްކަތްތަކުގައި އަމިއްލަ ޖަމްޢިއްޔާތަކުން އަދާކުރާ ދައުރާ ގުޅޭ ގޮތުންހޭލުންތެރިކަން އިތުރުކޮށް، ޖަމްޢިއްޔާތައް ގުޅިގެން މަސައްކަތް ކުރުމަށް ބާރުއެޅުމުގެގޮތުން ރޭވިގެން ކުރިއަށް ގެންދާ މަހާސިންތާއެކެވެ. މި މަސައްކަތުގެ ތެރޭގައި މިޖަމްޢިއްޔާތަކަށް ބޭނުންވާ އެހީތެރިކަން ސަރުކާރުގެ ހުރިހާ އިދާރާތަކުންވެސް ލިބޭކަމަށް ރެޖިސްޓްރާ ވަނީ ފާހަގަކުރައްވައިފައެވެ.
މި މަހާސިންތާގެ ފުރަތަމަ ބުރު ގއ އަތޮޅުގައި ކުރިއަށް ގެންދެވުމަށްނިންމަވާފައިވާ ކަމުގައި ރެޖިސްޓްރާ ވަނީ ފާހަގަކުރައްވައިފައެވެ. މިމަހުގެ 20 އިން 22 އަށް ކުރިއަށް ގެންދިއުމަށް ނިންމާފައިވާ މި މަހާސިންތާއަށް މި ވުޒާރާއަށް ވަނީ ދަޢުވަތުއަރުވާފައެވެ. މި ދަޢުވަތު ޤަބޫލުފުޅު ކުރައްވައި ބަހާ ބެހޭ ވަޒީރު ވަނީ މި މަހާސިންތާރޭއްވެވި ކަމަށްޓަކައި އުފާފުޅު ކުރައްވާ ކަމަށް ވިދާޅުވެފައެވެ. އަދި މި ފުރުސަތަކީރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފަށްޓަވާފައިވާ ދިވެހި ޤައުމިއްޔަތުއިޢާދަކުރުމުގެ މަޝްރޫޢު ގިނަ ބަޔަކަށް ތަޢާރަފުކޮށް އެ މަސައްކަތަށްއަހުލުވެރިކުރުވުމަށް މި އިދާރާއަށް ވެސް ލިބިގެންދާ ފުރުސަތެއް ކަމުގައި ވަޒީރު ވަނީފާހަގަކުރައްވައިފައެވެ.
21 ޝައްވާލް 1445
30 އެޕްރީލް 2024
