ދިވެހިބަހާއި ސަގާފަތާއި ތަރިކައާ ބެހޭ ވަޒީރު އަރިއަތޮޅު އުތުރުބުރިއަށް ކުރެއްވި ދަތުރުފުޅުގައި އެއަތޮޅު ހިމަންދޫ އަށް ވަޑައިގެން އެރަށު ކައުންސިލާ ބައްދަލު ކުރައްވައިފިއެވެ. މި ބައްދަލުވުން އޮތީ ހިމަންދޫ ކައުންސިލް އިދާރާގައެވެ. މި ބައްދަލުވުމުގައި ހިމަންދޫ ކައުސިލް މެންބަރުންގެ އިތުރުން އެރަށު އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުންނާއި ކައުންސިލް ގެ މުވައްޒަފުން ބައިވެރިވިއެވެ.
ބައްދަލުވުމުގައި އެރަށު ކައުންސިލް ގެ ފަރާތުން ވަނީ ރަށުގައި ކުރިއަށްދާ ތަރައްޤީގެ މަސައްކަތްތަކާ ބެހޭ މަޢުލޫމާތު ވަޒީރާ ހިއްސާކޮށްފައެވެ. އަދިވަކިން ޚާއްޞަކޮށް ވުޒާރާގެ މަސައްކަތްތަކާ ގުޅުންހުރި ކަންކަމާ ގުޅޭ މަޢުލޫމާތު ހިއްސާކޮށް މަޝްވަރާ ކުރެވިފައިވެއެވެ. އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީން ވެސް ވަނީ އެކޮމިޓީގެ މަސައްކަތްތަކާ ގުޅޭ މަޢުލޫމާތު ވަޒީރާ ހިއްސާ ކޮށްފައެވެ.
ހިމަންދޫ ކައުންސިލާ އެކު ބޭއްވި ބައްދަލުވުމަށް ފަހު ވަޒީރު ވަނީ އެރަށުގައި ހުންނަ އާސާރީ ހުކުރު މިސްކިތް ހުންނަ ސަރަޙައްދަށް ވަޑައިގެން ހުކުރު މިސްކިތާއި، މިސްކިތް ހުންނަ ސަރަޙައްދު ބައްލަވާލައްވާފައެވެ. ހިމަންދޫ އާސާރީ ހުކުރު މިސްކިތަކީ ހިރިގަލުން ޢިމާރާތްކޮށްފައިވާ މިސްކިތެކެވެ. އެމިސްކިތަކީ ހިޖުރައިން 1116 ވަނަ އަހަރުގެ ޝަޢުބާން މަހު 10 ވަނަ ދުވަހު ޢިމާރާތްކޮށް ނިންމާފައިވާ މިސްކިތެކެވެ.
އއ އަތޮޅަށް ވަޒީރު ކުރެއްވި މަދަތުރުފުޅަކީ ދިވެހި އަދަބީ ޖަމްޢިއްޔާ ލިޔުންތެރިންގެ ގުޅުމާއި އއ މާޅޮހު ކައުންސިލް ގުޅިގެން މި އަހަރުގެ ޅެންވެރީންގެ ދުވަސް ފާހަގަކުރުމަށް އެރަށުގައި ބޭއްވި ރަސްމިއްޔާތު ޝަރަފުވެރިކޮށްދެއްވުމަށް ކުރެއްވި ދަތުރުފުޅެކެވެ.
